ستایلی ژیان:

• هەریەك لە ئێمە جیاوازین،لە لێهاتوویی ،توانا ، كارامەیی، بیركردنەوە،….هتد،دەبێت بە پێی ئەوجیاوازیەش بژین و تواناكانمان بەگەر بخەین و خزمەت بكەین.
• ئەمڕۆ بە هۆی ئەو سەردەمەی تێیدا دەژین،قورسایی ژیان و دەیان هۆكاری تر وای كردووە، كەمتر بیر لەوە بكەینەوە ژیانی راستەقینەی ئێمە چیە؟ باشترین ستایل بۆ ژیانی ئێمە كامەیە؟چۆن بژین بۆئەوەی باشترین خزمەت وبەرهەم پێش كەش بكەین؟ستایلی ژیان وەڵامی ئەم پرسیارانە ودەیان پرسیاری هەمەچەشن دەداتەوە .
• هەریەكەمان خەونێكمان هەیە، سروشتێكی تایبەت بە خۆمان هەیە، كەواتە ستایلی تایبەت بە ژیانی خۆمان وەڵام گۆی ئەوسروشت و خەونەمان دەبێت نەك ستایلی ژیانی كەسێكی تر.
• بەراهێنان و مەشق ستایلی ژیانی تایبەت بە هەریەكە لە بەشدار بووانی خولەكانمان دەدۆزینەوە، لەوەی دیدگا و رووئیای ژیانیان چیە؟ پەیامی ژیانیان چیە؟دەبێت لە كام بواردا هەوڵ و كۆشش بكەن و خزمەت بكەن؟چ كەرەستە و توانا وكارامەییەكیان پێویستە؟ چۆن دەگەن بە خەونەكانیان و شا ڕێگەكەی چیە؟……
• لە مێژووی دوور ونزیكی مرۆڤایەتی و شارستانیەتدا ئەوانەی داهێنانی گەورەیان كردووە،خزمەتێكی گەورەیان پێش كەش بە مرۆڤایەتی كردووە، ئەوانە بوون زانیویانە بۆچی دەژین،خۆیان ناسیوە و ستایلی ژیانی تایبەت بە خۆیان هەبووە، بەڵام كەسی لاسایی كەرەوە ناتوانێ شتی جیاواز بكات، ناتوانێت خۆی بێت، ناتوانێت ژیانێك بژیت كە لە گەڵ سروشتی خۆی بێتەوە.